Aleanca mes PD dhe LSI po jep çdo ditë e më shumë shenjat e krisjes së saj. Kretarja e LSI Monika Kryemadhi e pranon se ishte një gabim djegia e mandateve dhe bojkoti i zgjedhjeve vendore, dhe sipas saj këto dy faktorë i dhanë mundësi Edi Ramës të ndërtojë një sistem autokratik.
Në një intervistë për revistën “Neësbomb”, Kryemadhi theksoi se axhendat e opozitës ndërroheshin rrugës, duke e vënë theksin tek ndërhyrjet nga zyra e kryeministrit.
“Që nga djegia e mandateve dhe gjithë aksioni tjetër opozitar, ka pasur tjetër agjendë të miratuar në tryezën e frontit opozitar. Agjendat ndërroheshin gjatë rrugës.
Lulzim Basha, shumë e qartë sot edhe më e qartë se kurrë. Ka akoma jetë politike që vazhdon dhe fakte të reja që dalin. Di të them se djegia e mandave dhe bojkoti i zgjedhjeve cënuan demokracinë në Shqipëri dhe i dhanë shancin e mundësinë Edi Ramës të ndërtojë një sistem autokratik. E vërteta është se, fatkeqësisht Shqipëria përfundoi me një opozitë, të cilës i parashkruhej agjenda nga zyra e Kryeministrit”, tha Kryemadhi.