Revolta që i ka shpërthyer në shpirt nga fyerja e ish-Kryetarit të PD Lulzim Basha se janë “banda, kriminelë”, e ka nxitur këtë zotëri në moshë nga Elbasanit të hipë i pari sot në autobusin e linjës dhe të niset drejt Tiranës për të marrë pjesë në protestën kombëtare të demokratëve që po e rithemelojnë partinë e tyre.
Ai është një demokrat i vitit 1990 dhe indinjata e bëri të ngrihet në këmbë dhe të valëvitë me krenari para kamerës së Syri TV, dy teserat e Partisë Demokratike, sidomos atë që është e vitit 1990.
“Ja dhe anëtarësia në PD – na tregoi ai brenda në autobus. – Ja anëtarësia, se thotë “janë banda” Lul krimineli! Po ne jemi të ’90-ës. Ja dhe (kartat) e Lulit që i ka rinovuar, i kemi me foto. Unë i bashkohem protestës se na tradhtoi Lul Basha. E kemi mbështetur, kaluar një drejtuesi partie nga të gjithë drejtuesit e partive të djathta dhe të majta dhe turp të ketë që na quan banda e kriminelë! Shkon e bashkohet me socialistët për karrierë dhe interesat e tij personale. Hajduti!” e mbylli fjalën e tij me zemërim, demokrati i viteve të para