Presidenti Ilir Meta komentoi protestën e 8 janarit para selisë së Partisë Demokratike, duke thënë se në të nuk morën pjesë vetëm anëtarë të Partisë Demokratike.
Ai u shpreh i alarmuar për blindimin e selisë së PD nga Lulzim Basha, por mbi të gjitha për praninë e kriminelëve mercenarë në seli në krah të Bashës.
"Akuzat për infiltrimin e qëllimshëm të personave me precedent penalë, brenda PD-së, janë alarmante dhe kërkojnë përgjigje të paanshme. Është e papranueshme të mohohet çdo mekanizëm demokratik zgjidhjeje duke nxitur tinëzisht revoltën e forcën," tha Meta.
Duke treguar fotot e blindimit të selisë dhe strukturat mercenare të Bashës, Meta tha se kjo nuk është zgjidhja.
Ai hodhi më tej akuza ndaj Bashës. Presidenti tha se veprimet e kryera nga Lulzim Basha dhe mbështetësit e tij tregojnë se ata nuk kërkojnë zgjidhje të krizës.
“Kemi parë nga një palë që vetëm shkarkon, deputetë, kreun e FRPD, e lëvizjes së gruas, pala tjetër kemi parë që nuk përjashton… Kemi parë përpjekje për negociata nga Edi Paloka, por pala tjetër nuk pranon… Është e qartë që thelbi i krizës është mungesa e vullnetit për të respektuar votën e lirë”, tha Meta.
Presidenti Ilir Meta i ka kthyer përgjigje Bashës, teksa ky i fundit ka deklaruar më parë se nuk do ta lejojë Metën ta përdorë PD si mburojë. Meta tha se ai nuk ka nevojë për mburojë, teksa drejtoi gishtin nga Basha se ishte ai që vendosi blinde në selinë e PD.
"Ata me maska unë i kam çuar atje, blindat unë i kam vendosur? Unë dal çdo ditë para qytetarëve e shqiptarë dhe skam nevojë për mburojë. Kush fshihet, kush vendos blinda, kush provokon presidentin e për llogari të kujt e bën, ju e dini shumë mirë", tha Meta