Ish-ministri i Brendshëm Saimir Tahiri është dërguar në këto momente në ambientet e burgut 313 në Tiranë.
Pas seancës në GJKKO ku iu shqiptua dënimi me 3.4 vite burg, Tahiri u dërgua te Drejtoria e Policisë.
Rreth orës 22:40 ai ka lënë ambientet e Policisë dhe është dërguar në qelitë e 313.
Tahiri do të kalojë natën e parë në burg, ku mësohet se është sistemuar në godinën nr.2 të burgut.
Saimir Tahiri do të kalojë pas hekurave 3 vite e 4 muaj, pasi Gjykata e Posaçme e Apelit e gjeti fajtor për trafik të lëndëve narkotike, grup i strukturuar kriminal dhe kryerje e veprave penale nga organizata kriminale.
GJKKO la në fuqi vendimin e dënimit nga ish-Gjykata e Krimeve të Rënda në vitin 2019, por duke i hequr mundësinë e konvertimit në shërbim prove