Lideri historik i PD, Sali Berisha komentoi gjithashtu nga Vora, marrjen në pyetje të Lulzim Bashës nga prokurorët belgë, të mbërritur në Tiranë për dosjen 'Toyota Yaris'.

Berisha tha se Basha njoftoi grupin kriminal kur tha se do të mbërrinin 5 mln euro në Portin e Durrësit. Nuk dihet roli i Bashës në këtë grup kriminal, tha Berisha.

Duke theksuar se Basha është i marrë peng nga Rama, Berisha tha se ish-kryetarin e PD e morën të votonte Vettingun përpara se të nisej për në SPAK.

"Sot në Tiranë kishte zbarkuar një skuadër e tërë prokurorësh dhe xhandarësh të Mbretërisë së Belgjikës, sepse Lulzim Brava, nëse ju kujtohet ju, në Parlament doli dhe tha do të vijnë ditën e shtunë 5 mln euro me Toyota Yaris, i njoftoi. Askush s'e merr vesh përveç prokurorisë belge se cili ishte roli i tij në këtë organizatë kriminale. Dhe morën e bënë votimin, para se të nisej në Prokurori, nga frika se para se të ikte në prokurori, mos u thoshte deputetëve mos votoni... Por kjo është skllavëri e vërtetë", u shpreh Berisha.