Ish-oficeri i Antidrogës Dritan Zagani ka hedhur dritë edhe mbi lidhjet e ish-Gjeneralit të Guardia di Financës Fabricio Lisi me Engjëll Agaçin, ku sipas tij, ishte person përgjegjës i cili me heshtjen e tij për ti bërë nderet deri në fund qeverisë shqiptare të asaj kohe.
Zagani shprehet i bindur se lidhja e tyre direkte ishte Engjëll Agaçi që ishte një avokat në Romë dhe kur mori vesh që ishte edhe sekretari i Ramës, i’u bë e qartë se si funksionon mekanizmi dhe lidhja mes tyre.
Zagani: Si janë bërë miq është çështje tjetër, por di që janë shumë miq, janë edhe komshinj, afër me banim. Kanë një marrëdhënie personale shumë të afërt. Unë po hetoja për hallin tim, po mblidhja sa më shumë informacion çfarë kishte ndodhur me Italinë, pse heshtej rreth të vërtetës, pse u pranuan shpifjet publike të Edi Ramës. Ende sot s'na është paraqitur një provë, përveç shkresurinave që kam tradhtuar shtetin.
Pra, si kja mundësi që të heshtej nga Italia, ku akuzohej një punonjës i shtetit italian 5 herë i dekoruar, 4 nga shteti italian. Dhe ishte në funksionin e tij zyrtar si përherë, s'kishte ndodhur asgjë. Me kalimin e viteve duke punuar nga jashtë, arrita të gjeja se ish-Gjenerali i Guardia di Finacës Fabricio Lisi ishte person përgjegjës i cili me heshtjen e tij për t'i bërë nderet deri në fund qeverisë shqiptare të asaj kohe.
Lidhja e tyre direkte ishte Engjëll Agaçi që ishte një avokat në Romë dhe kur mora vesh që ishte edhe sekretari i Ramës mu bë e qartë se si funksionon mekanizmi dhe lidhja mes tyre.
Narko trafikantët shqiptarë në Itali kishin avokatë mbrojtës Engjëll Agaçin dhe këtyre narko trafikantëve në Shqipëri edhe pse të dënuar u shkonte jeta fjollë sepse bëheshin letrat aq mirë qepeshin aq mirë sa që ata nuk figurojnë as në Interpol Roma sot.
Në prokuroritë ku janë dhënë vendimet janë akoma dosjet e këtyrë narko trafikantëve.
Ferko: Në rastin kur u tha se nuk mund të hetohej në Itali për ish-ministrin e Brendshëm, por për hetimet ndaj Engjëll Agaçit a mund të thuhet se ekziston një dosje?
Zagani: Unë thashë që Lisi është miku i ngushtë i Engjëll Agaçit dhe se nuk e di as nuk mund ta them nëse mund të ketë një hetim për Agaçin.