Ish-ministri i Drejtësisë Ylli Manjani, në një intervistë në emisionin Ora 19:00 me moderatoren Juli Krisafi në Syri Tv, ka komentuar faktin se Rama dhe Basha kanë bashkuar votat për vettingun.
Manjani theksoi se Basha është vasal i Ramës, duke shtuar se besimi tek reforma në drejtësi ka rënë ndjeshëm.
“Rama dhe Basha janë një turp. Lulzim Basha është vasal i Ramës. Basha nuk do as reformë territoriale, asgjë, është thjesht vartës i Ramës. Kemi humbur shans të madh, që shqiptarët të kenë informacion të detajuar se çfarë shkoi keq me reformën në drejtësi, se pse vettiungu shkoi keq, kush na garanton se vettingu nuk do të zgjatet më. Çfarë është kjo reformë në drejtësi mbi 5 vjet, nuk ka pesë vjet reformë, nuk bëhen kështu punët e shtetit.
Aq më tepër që besimi i publikut te reforma në drejtësi ka humbur. Opozita sot është pjesë e qeverisë praktikisht, është opozita më e kompromentuar në korrupsion që kemi pasur ndonjëherë. Përgjegjës për këtë situatë është Lulzim Basha, që vë interesat personale mbi gjithçka. Basha tenton të mbulojë skandal pas skandali. Kjo nuk quhet reformë”, deklaroi Manjani