Presidenti Ilir Meta ka komentuar situatën në të cilën ndodhen bujqësia, blegtoria dhe argotizmi, si pasojë e rritjes së çmimeve.
Në një postim në rrjetet sociale, Meta shkruan se po shkatërrohen investimet kurajoze në bujqësi dhe krahinat e bukura të Shqipërisë po braktisen çdo ditë e më shumë nga fermerët, të cilët kërkojnë një jetë më të mira jashtë vendit.
Ai e ka cilësuar shpëtimin e bujqësisë si një detyrë mbarëkombëtare.
Po ashtu ai bën thirrjen që të ndalohet shpopullimi she shkretimi I krahinave të Shqipërisë.
“Të gjithë bashkë për të mbështetur bujqësinë, blegtorinë dhe argotizmin.
Të gjithë bashkë kundër shpopullimit dhe shkretimit të krahinave më të bukura dhe patriotike të Shqipërisë!
Shkatërrimi i investimeve kurajoze në Bujqësi, çmontimi i serave dhe i stallave është mjerimi i vërtetë i saj, pasojë e braktisjes dhe e mos mbështetjes.
Kur pritej zgjerimi i investimeve në Bujqësi dhe shpresohej që filizat e projekteve kurajoze të të rinjve tanë emigrantë, të lulëzonin, po ndodh e kundërta.
Po ç’bëhet gjithçka e arritur me shumë mund e sakrifica!
Po detyrohen të rinjtë investitorë të guximshëm dhe patriotë të ndalojnë punën dhe të braktisin vendin.
Ndalja e kësaj tatëpjete dhe shpëtimi i Bujqësisë është një apel dhe detyrë mbarëkombëtare!”, shkruan Meta.
Kujtojmë se mëngjesin e sotëm fermerët e Devollit kanë protestuar për rritjen e çmimit të naftës, rritjen e çmimit të plehrave kimike dhe të shtimit në tërësi të kostove të