Ish kryeministri Sali Berisha, gjatë fjalimit të tij në Peshkopi, ka akuzuar kryeministrin Edi Rama se në bashkëpunim me Lulzim Bashën, po tenton t’i heqë Portin Durrësit, për të ndërtuar një kompani ku do të pastrojë para.
Berisha thekson se Rama e ka mendjen vetëm tek xhepat e tij dhe nuk pyet asnjë.
“Durrësit me një vendim paranojak të verbër korrupsioni ka vendos ti bëjë atë që s’ia kanë bërë tre mijë vite as pushtuesit, të heqë portin, se do të krijojë një ndërmarrje për të larë miliardat dhe ka marrë në qerre Lul Bravën.
Por a mund të merret një vendim i tillë pa pyetur asnjë durrsak. Sikur vjen një pushtues i huaj dhe s’do të merret vesh me ta.
Ka ngritur të gjithë sheshin e flamurit, çfarë do të bëjë? Të mbushë hepat e tij, mendja e tij udhëhiqet nga xhepat, se sa do të fitojë e shpenzojë asnjë vlonjat se di.
Nuk pyet njeri. Por Dibra nuk është përjashtuar nga kjo. Në Dibër vendos pa pyetur banorë e qytetarë, të përmbysë pothuajse në tërësi tokat e saj pjellore. Kërkon të varrosë historinë e madhe të Dibrës pa pyetur njeri. Ajo nuk mund të ndodhë kurrë, që të përmbytet Dibra nuk mund të bëhet kurrë. Ti s’je zot”, tha Berisha.