Disa herë, Departamenti i Shtetit ka pranuar publikisht se për vendimin e marrë për liderin historik demokrat, Sali Berisha, është bazuar te informacionet e medieve, OJQ-ve dhe qeverisë së Edi Ramës.

DASH e ka mbajtur këtë qëndrim edhe për mediat shqiptare, por edhe për mediat amerikane.

Megjithatë, kryeministri Edi Rama deklaroi nga Uashingtoni se kjo nuk është çështje lobimi.

Rama tha se vendime të tilla merren me procese të mirëpërcaktuara dhe nuk kanë asnjë lidhje me faktorë të jashtëm. Sipas kryeministrit shqiptar, nëse SHBA do të loboheshin e influencoheshin kaq kollaj, do të ishin prej vitesh peng i diktaturave dhe regjimeve që kanë pasurira marramendëse.

"Shpallja “non grata” e Sali Berishës është meritë 100% e Sali Berishës, nuk ka diskutim. SHBA thjesht e kanë konfirmuar me vendimin e tyre, meritën e tij, për të gjitha ato, për të cilat ata e kanë shpallur “non grata”. Të thuash që qeveria e SHBA mund të influencohet nga faktorë të jashtëm për vendime të kësaj natyre, do të thotë faktikisht të akuzosh SHBA se janë shtet pa dinjitet, pa seriozitet, pa integritet, dhe se kanë një qeveri që korruptohet për qëllime të të tretëve. Kjo është absolutisht diçka jashtë realitetit," tha Rama.

Mediat e mëdha amerikane kanë raportuar se vendimi për Berishën në fakt ishte produkt lobimi pranë Sekretarit të Shtetit, Antony Blinken nga miliarderi George Soros