Ish-kryeministri, Sali Berisha përmes një prononcimi për mediat foli mbi vendimin e Gjykatës Kushtetuese për Presidentin Ilir Meta.

Berisha theksoi se Kushtetuesja duhet të dënonte Kuvendin për falsifikimet e fakteve. Sipas tij shkelje të Kushtetutës ka bërë Parlamenti dhe Edi Rama.

“Sot, Gjykata Kushtetuese humbi rastin e madh, të dënonte parlamentin për vendimin e tij me të cilin synonte censurën, rikthimin e censurës në Shqipëri, duke filluar kështu nga kryetari i shtetit.

Gjykata Kushtetuese, në vlerësimin tim, në vendimin kryesor, duhej të kishte vetëm një pikë: dënojmë parlamentin për vendimin e tij antidemokratik dhe antikushtetues. Sikundër Gjykata Kushtetuese, duke treguar varësinë e tmerrshme nga politika, nuk dënoi aktin e falsifikimit që parlamenti i bëri vendimeve të tij, vetëm për të vendosur me falsifikim në procedurë dhe kohë.

Nuk kam pasur kurrë ndonjë dyshim se ka pasur krim kushtetues në qëndrimet e presidentit apo shkelje serioze të Kushtetutës. Përkundrazi, shkelje flagrante të Kushtetutës ka bërë parlamenti dhe Edi Rama, që kërkon të marrë të gjitha pushtetet në këtë vend, përfshi edhe atë të presidentit,” tha Berish