Lideri historik i PD-së Sali Berisha, i ftuar në emisionin Çim Peka Live, foli për aferat e Ramës dhe të Bashës në Portin e Durrësit.

Berisha theksoi se afera në Portin e Durrësit është ndër më të mëdhatë në Europë. Ai shtoi se në këtë aferë korruptive janë të implikuar si Rama, ashtu edhe Basha.

“Rama shkon dhe firmos me një investitor të panjohur në Dubai e vjen në Shqipëri e thotë se erdhi Dubai e investoi në vend. Në portin e Durrësit na del një kompani off shore. Kjo kompani s’mund të jetë tjetër përpos bashkëpunim Rama – Basha, vetëm trualli kushton 3.8 milionë euro, pa llogaritur sipërfaqen që ndërtohet në të. Kjo është ndër aferat më të mëdha në Ballkan e në botë.

Një port i tillë dëmton thellësisht Shqipërinë. Vlora shndërrohet në port turistik e mbyllet, Durrësi zëvendësohet me port të Kastratit, Shëngjini është porti i Gjergj Lucës. Shqipëria për herë të parë gjendet në historinë e vet pa porte e qindra milionë të ardhura përfundojnë në porte të tjera, rritet kosto e transportit. Edi Rama la Shqipërinë pa porte, si kurrë në historinë e saj”, deklaroi Berisha