Kryetari i Bashkisë së Tiranës, Erion Veliaj po dëshmon sot në Komisionin Hetimor Parlamentar për inceneratorët.

Në fakt mbledhja është shoqëruar me lojëra fjalësh, dhe mesazhe indirekte nga kryetarja e këtij Komisioni, Jorida Tabaku dhe kryebashkiaku Veliaj, ndaj njëri-tjetrit.

Por, ndërkohë, Veliaj ka treguar hapur “pazaret” me deputeten Tabaku, të cilët I tha se është në konflikt interesi, pasi ai i ka dhënë leje ndërtimi në Tiranë.

Debatet në Komision:

Veliaj: Si ndërtuese që je, e kuptoj se nuk je rehat për dherat, si ndërtuese e di që të djeg për dherat. Tiranës i keni marrë çfarë keni dashur.

Njeriu ka një cipë. Je dënuar në gjykatë, më lër të flas.

Tabaku: Je i papëgjegjshëm, i ke shtuar 45 milionë euro koncesionarit të Tiranës.

Veliaj: Je ndërtuese, ke konflikt interesi. Pse të djeg moj xhan.

Xhaxhai juaj bën pallat.
Tabaku: Askush nga familja ime spo bën pallat .

Veliaj: Ta kam dhënë lejen. Je përfituese.

Tabaku: Të të vijë turp që gënjen.

Veliaj: Je përfituese e lejeve të ndërtimit. Familja juaj është përfituese.

Tabaku: Po gënjen, mu s’më blen dot. Më ke pasur përballë në çdo deklaratë .

Veliaj: Po bëhet një pallat te Fusha e Aviacionit./CNA.al