SYRI sjell pamjet e inaugurimit të inceneratorit të Elbasanit nga kryeministri Edi Rama, i shoqëruar nga pronarët e djegësave, Klodian Zoto dhe Stela Gugallja.
Dy pronarët e inceneratorëve, të shpallur në kërkim për korrupsion nga SPAK, duken në sfond pas kryeministrit.
Sipas fakteve të publikuara deri tani, për inceneratorin e Elbasanit janë paguar 22 mln euro.
Nga këto rezulton se kostoja e ndërtimit të tij ka qenë 12 mln euro.
Destinacioni i 10 mln eurove nuk dihet.
Edhe pse janë shpenzuar dhe abuzuar miliona euro, inceneratori i Elbasanit nuk është funksional, pasi nuk është marrë në dorëzim nga bashkia.
Pas hekurave ka përfunduar ish-ministri i Mjedisit, Lefter Koka për ryshfet 3 mln euro të marra përmes disa kompanive fiktive të cilat kanë përfituar pagesa nga Integrated Energy Services (ITS).
Ndërsa në kërkim vijojnë të jenë Klodian Zoto dhe Stela Gugallja, pronarët e inceneratorëve
