Ish-kryeministri Sali Berisha, tha në emisionin 'Çim Peka Live' se ata që kishin informacione për skandalin e inceneratorëve u refuzuan që të dëshmojnë në Komisionin Hetimor.
Berisha theksoi se në Komisionin Hetimor për Inceneratorët nuk doli as roli thelbësor i Ëngjëll Agaçit, Sekretarit të Përgjithshëm të Kryeministrisë
"Krimi i djegësave është në akte të firmosura. Nuk ka nevojë të kesh as përgjime, asgjë, është në akte. Çdo akt në Këshillin e Ministrave e ka detyrë, e përpunon dhe përgatit Sekretari i Përgjithshëm. Agaçi bënte të paditurin. Ajo i pranohet."-tha Berisha.
Ndër të tjera ish-kryeministri tha se edhe Inspektori i Lartë i Drejtësisë, Artur Metani ka rol thelbësor tek inceneratorët por nuk u thirr në Komisionin Hetimor.
“Ata që kishin informacion për këto u refuzuan të dëshmojnë.”-tha Berisha
