Ka përfunduar pas rreth 4 orësh mbledhja e grupit parlamentar të PD.
SYRI mëson nga burime të besueshme se në mbledhje kanë qenë të pranishëm rreth 20 deputetë.
Nga këta, të paktën 18 prej tyre, i kanë kërkuar Lulzim Bashës dorëheqjen pas humbjes shkatërruese në zgjedhjet e pjesshme vendore të 6 marsit.
Ndër zërat e fortë kundër Bashës në mbledhje kanë qenë ata që deri dje ishin mbështetësit e tij më të fortë.
Ferdinand Xhaferraj, Xhelal Mziu, Grida Duma, Kasem Mahmutaj, Elda Hoti, Ervin Salianji, Ilda Dhori, Lefter Gështenja, Dash Sula, Lindita Metaliaj, Helidon Bushati dhe Agron Gjekmarkaj i kanë kërkuar drejtpërdrejt Bashës të japë dorëheqjen dhe të hapet gara për zgjedhje të reja në PD.
Vetëm Kreshnik Çollaku dhe Orjola Pampuri i kanë dalë në mbrojtje Bashës, duke deklaruar se nuk është përgjegjësi e tij dalja të tretët në zgjedhjet e 6 marsit.
Ndërkohë, nuk janë prononcuar ende Gazment Bardhi dhe Enkelejd Alibeaj.
Vlen të theksohet se në mbarim të mbledhjes së grupit parlamentar, Lulzim Basha nuk ka pranuar të dalë nga selia, pa u larguar më parë gazetarët.
LEXO EDHE: