Ish Ministri i Drejtësisë Ylli Manjani ka reaguar ashpër ndaj logjikës që përdoret rëndom nga policia, ndërkohë që ushtron dhunë mbi protestuesit dhe shoqërion e arreston ata.
Argumenti se janë të detyruar ta bëjnë këtë gjë “për bukën e kalamajve”, sipas Manjanit përdoret si argument për të legjitimuar atë që bën.
“Për bukën e kalamajve”…
Nuk mirëkuptoj askënd që përdor “bukën e kalamajve” si argument për të legjitimuar atë që bën.
Askënd, po askënd fare!
Çdo me thënë kjo?!
Hajde të të rrah, dhunoj, shoqëroj në polici me dhunë, helmoj me gaz e të të dynd në gjoba dhe mos ma merr për ters se e bëj “për bukën e kalamajve”!!!
Pse vetëm policët paskan kalamaj?!
Ata që protestojnë çkanë?!
Po pse mo kalamaj kanë vetëm ata që punojnë në shtet?! Deputetët, ministrat, drejtorët e nënpunësit paskan kalamaj?”, shkruan Manjani në një reagim në rrjetet sociale.
Manjani nuk përmbahet dhe i cilëson si “burra legena”, që fshihen pas kalamajve.
“Vetëm ata që bëjnë presion për vota (patronazhistët e komisionerët) paskan kalamaj dhe, votuesit vetë jo?!
Po ç’llogjikë është kjo?! “Falja se e bën për bukën e kalamajve”- thonë disa. Jo or jo, nuk fal askënd! Dhe jo për “bukën e kalamajve” por për dinjitetin e tyre, për pavarësinë e tyre nga “buka” e fituar në kurriz të të tjerëve. Burra legena! Fshiheni pas kalamajve. U përmendni edhe bukën, pa le! Mos i ngatërroni kalamajt me këto pisllëqe!
Ptu!”, përfundon reagimin Manjani.