Grupi parlamentar i PD është i përfshirë nga debatet. Enkelejd Alibeaj, që sipas vendimit të Gjykatës tashmë është vetëm deputet, i ka kërkuar ish kryeministrit Sali Berisha të mos marrë pjesë në mbledhje.
“Prezenca juaj në këtë sallë është një sinjal i brishtë për demokracinë e brendshme në parti. Z.Berisha me prezencën tuaj ju po zhvlerësoni vendimet e organeve të kësaj partie. Ju jeni i përjashtuar nga grupi parlamentar dhe çdo forum”, ka thënë Alibeaj.
Ndërkohë Berisha i ka rikujtuar Alibeajt vendimine Gjykatës duke ia bërë të qartë që tashmë në PD vendos Rithemelimi.
“Z.Alibeaj më vjen keq për këtë qëndrim, pasi jua kam thënë edhe pak ditë më parë dhe po ua përsëris. Unë ju respektoj si kryetar grupi, por çdo organ vendimarrës në këtë parti ka qenë ilegjitime pas 11 dhjetorit. I vetmi organ që merr vendime është Komisioni i Rithemelimit”, është kundërpërgjigjur Berisha.