Legalizimi i banesave të banorëve të Laprakës, Paskuqanit dhe Kodrës së Priftit, vijon të mbetet problem, duke qenë se këto banesa me projektin e ri të Unazës së Madhe, do të prishen.

Banorët kanë zgjedhur ditën e sotme të shkojnë sot në zyrat e Kreut të Agjesnisë së Kadastrave, Artan Lames dhe të kërkojnë të drejtat e tyre.

Ato kanë kërkuar një takim me këtë të fundit, ndërkohë që e kanë akuzur për korrupsion në përzgjedhjen e banesave të cilat do të legalizohen. Qytetarët kanë kërkuar zbatimin e ligjit si dhe takim me Lamen, të cilit i kujtuan se paguhej nga taksat e tyre.

“O drejtor, hajd të jap një kafe 15 mijë euro, hajde të paguaj legalizimin 15 mijë euro, ti jap në dorë”,“O i korruptuar, dil jashtë. Shtëpia ime ishalla të ngel në fyt”, “O Artan po dil zbato ligjin, kaq e thjeshtë është”, “Dil se me taksat tona paguhesh”, janë disa nga thirrjet e banorëve.