Nismën për legalizimin e kanabisit mjekësor nga kryeministri Ei Rama, deputeti i PD-së, Flamur Noka, e ka konsideruar si rrezik për legalizmin e krimit të organizuar.

Në daljen e tij para mediave nga selia e PD-së, Noka e quajti Këshillimin Kombëtar si një fallcitet të përdorur nga Rama për të legjitimuar legalizimin e kanabisit, me arsyetimin se është dëshira e shqiptarëve.

Noka theksoi se vendi ynë nuk i ka kushtet për të legalizuar kanabisin, pasi sipas tij një gjë e tillë do të sillte lulëzimin e bandave dhe rritjen e tregëtisë së drogës.

Ai ka ngritur shqetësimin se kjo do ta kthejë kanabisin në të vetmen kulturë bujqësore në vend.

Noka: Pasi e shndërroi Shqipërinë në Kolumbi të Europës, pasi shtetin Shqiptar e shndërroi në narkoshtet, pasi kanabisin e shndërroi në kulturën e vetme bujqësore në Shqipëri, pasi e ktheu vendin në shesh betejë mes bandave të drogës, sot me një të ashtëquajtur anketë, Edi Rama kërkon tu imponojnë shqiptarëve kanabisin si gjë të ligjshme. Këtë legalizim përpiqet tjua shesë shqiptarëve si rrjedhojë e një ankete, që është një fallsitet i organizuar nga PS dhe celulat e krimit të organizuar. Kjo që po bën sot është legalizim i krimit të organizuar, pazareve të drogës dhe bandave”, tha Noka.

Që të legalizosh kanabisin, duhet të kesh një shtet ligjor të konsoliduar. Kjo është pjesë e skenarit të shpopullimit të vendit