Presidenti i Republikës, Ilir Meta deklaroi gjatë emisionit Çim Peka Live se pas 25 korrikut do t’i jepte një dimension të ri opozitarizmit në Shqipëri. Kreu i shtetit e cilësoi si të shitur dhe të kapur opozitën e Lulzim Bashës. Ai i konsideroi si farsë negociatat e nisura për Presidentin e ri dhe tha se kryetari i ri i shtetit do të zgjidhet një person në përputhje me gustot e kryeministrit Rama

Presidenti i Republikës, Ilir Meta deklaroi se pas 25 korrikut, do t’i japë një dimension të ri opozitarizmit në Shqipëri. I ftuar në emisionin Çim Peka Live në Syri TV, kreu i shtetit foli për aksionin e tij politik pas lënies së detyrës së lartë.

Presidenti Meta u tregua shume kritik ndaj lidershipit të Partisë Demokratike gjate kohës kur kjo parti drejtohej nga Lulzim Basha.

Presidenti Meta i konsideroi si farsë negociatat e nisura për zgjedhjen e Presidentit të ri të vendit. Ai deklaroi se pasuesi i tij në Presidencë do të jetë një person në përputhje me gustot e Edi Ramës.

Presidenti Meta tha se negociatat synojnë spostimin e vëmendjes nga problemet reale të vendit.

Presidenti Meta tha se drejtësia ka rënë në gjunjë para mazhorancës dhe presionit politik. Ai tha se do të merrej personalisht me çështjen e inceneratorëve dhe e konsideroi Edi Ramën si peng të kësaj afere.

Zoti Meta tha se shpresonte që Presidenti i ardhshëm do të respektojë dhe do të garantojë Kushtetutën.