Presidenti Ilir Meta tha në një konferencë urgjente për mediat se akuzat e Erion Veliajt për bllokimin e ambasadorëve janë një mashtrim ordiner nga ai të cilin e quajti 'Zogu i Tiranës'.

Kreu i shtetit thekson se s'ka bllokuar asnjë emërim ambasadori ndërsa shton se faktet janë shkresat zyrtare.

"Zogu i Tiranës edhe në gjumë gënjen. Nuk kam bllokuar asnjë propozim zyrtar për emërim ambasadori. Faktet janë shkresat zyrtare."-tha Meta.

Kujtojmë se më herët Veliaj ka thënë se bllokohen dekretet, bllokohen ambasadorët

“Si përfaqësues i qytetit, si kryetar bashkie, më qëllon që të jem shumë në forume ndërkombëtare dhe shumë veta thonë.

A ka diçka që nuk shkon me Shqipërinë, që janë ende ne detyre ambasadorët nga 6, 7, 8 vjet?

Fakti që janë krijuar ngërçe të tilla, nuk e ndihmon vendin.”-ka thënë Veliaj më parë