Kryeministri Edi Rama e nisi ditën me një konferencë për shtyp në Berlin me gazetarët shqiptarë që ndoqën vizitën e tij në kryeqytetin gjerman.
Por siç po ndodh gjithmonë e më shumë, Rama u tërbua nga pyetjet e gazetarëve.
Fillimisht ai nuk preferoi të komentonte për vendimin e SHBA për ish-deputetin e tij, Aqif Rakipi.
Më pas, ai u tërbua me pyetjet që po i bëheshin për Ballkanin e Hapur dhe lidhjen e tij të ngushtë me Serbinë.
Në fund, ai u pyet edhe për çështjet e integrimit. Në nënte vite pushtet, qeveria e tij nuk ka shënuar asnjë përparim në rrugën e integrimit, përkundrejt rezultateve të mëdha nga qeverisja e demokratëve. Rama u pyet se përse nuk ka asnjë arritje, ndërkohë që Sali Berisha anëtarësi vendin në NATO.
“Mos bëhemi për humor as ti e as unë. Këto gjëra nuk ia jep Shqipërisë një person, qoftë ky qoftëlarg, ose qoftëafër. Lidhen me vullnete të tjera, të vendeve. Në raport me mua, negociatat do të ishin hapur prej 3-4 vitesh. Fakti i mos-hapjes së negociatave lidhet me ata. Kur thoni se kush e futi Shqipërinë në NATO, më vjen një siç thoshte Konica, i papërmbajtur gaz. Shqipërinë në NATO e futi SHBA”, tha Rama.
Më tej, duke përgatitur justifikimin e radhës për dështimin e integrimit, Rama tha se Shqipëria do ndahet nga Maqedonia e Veriut.
Kujtojmë se kur vendi po përgatitej për anëtarësim në NATO, Rama e sulmoi këtë proces. Ai tha se nuk është i rëndësishëm për vendin, madje organizoi edhe protesta.
Ndërkohë kryediplomatja e tij sot, pati deklaruar në atë kohë se NATO është si NATA