Kryeministri Edi Rama duket se ka humbur qetësinë pas publikimit të raportit të DASH për Shqipërinë, ku theksonte se korrupsioni në vend është i shtrirë në të gjitha nivelet qeverisëse.
Kreu i qeverisë ka sulmuar Departamentin Amerikan të Shtetit duke thënë se nuk ka asnjë arritje në atë raport por është copy-paste nga ai i vitit të shkuar.
"Paska plasur peshku për një raport vjetor të DASH se Amerika na paska thënë më në fund ato që opozitërat paskan thënë që në fillim! Kush e lexon çdo vit këtë raport e di që është aq shumë copy-paste i vitit më parë sa nuk figurojnë as arritjet që DASH i ka thënë vetë gjatë vitit."-shkruan Rama në Twitter.
Raporti i DASH, i publikuar një ditë më parë ngriti alarmin se korrupsioni është shtrirë në çdo hallkë të qeverisjes. Drejtësia e kontrolluar ishte një tjetër shënim alarmant i SHBA.
Departamenti Amerikan i Shtetit në raportin për vitin e kaluar ngre edhe shqetësimin për shitblerjen e votave në zgjedhjet e 25 prillit si dhe intimidimi i zgjedhësve nga patronazhistët e PS