Presidenti Ilir Meta në kuadër të vizitës së tij në zonat Arbëreshe ka marrë pjesë në një traditë të lashtë, e cila festohet prej vitesh nga ky komunitet.
“Vallja e Pashkëve” shkruan Presidenti Meta në Facebook është një nga shprehjet më kuptimplota dhe frymëzuese të kulturës popullore të Arbëreshëve të Kalabrisë.
“Ajo kremton kujtimin e një prej fitoreve më të lavdishme të Gjergj Kastrioti Skënderbeut kundër pushtuesve osmanë, betejën e 24 prillit 1467, që shpëtoi Krujën dhe që sipas kalendarit julian të kohës, binte të Martën e Pashkës”, shkruan ndër të tjera Presidenti Meta.
Postimi i plote i Metes
“Vallja e Pashkëve” është një nga shprehjet më kuptimplota dhe frymëzuese të kulturës popullore të Arbëreshëve të Kalabrisë.
Ajo kremton kujtimin e një prej fitoreve më të lavdishme të Gjergj Kastrioti Skënderbeut kundër pushtuesve osmanë, betejën e 24 prillit 1467, që shpëtoi Krujën dhe që sipas kalendarit julian të kohës, binte të Martën e Pashkës.
I lumtur të bëhesha pjesë e kësaj tradite të lashtë, që festohet prej shekujsh nga komuniteti i mrekullueshëm arbëresh i Frascinetos, që ende i mban gjallë gjuhën, traditat, ritet fetare dhe kulturën e Motit të Madh të Arbërit.
Thelbësore, që rinia jonë të njohë rrënjët kombëtare, për të mbrojtur më mirë të ardhmen!