Deputeti dhe Kryetari i Këshillit Kombëtar të PD, Edi Paloka, reagoi pasi Enkelejd Alibeaj propozoi një draft për presidentin e ri, i ngjashëm me propozimet e Edi Ramës.
"Propozimet e Ramës shiten si kritere të “opozitës”!
Loja e turpshme për të paraqitur Presidentin e Ramës si President konsensual, zhvillohet përpara syve të publikut e në mënyrën më të trashë.
Rama bën sikur mbledh mendimet e deputetëve të PS me zarf, Alibeu bën sikur mbledh mendimet e deputetëve të tij me e-mail. Në finale, kandidati i Ramës do dalë nga goja e L.B, E.A …
Nuk e di nëse ata deputetë (të zgjedhur me votat e demokratëve) që vazhdojnë e ndjekin këtë rruge, janë thjesht viktima naive që po përdoren apo janë me vullnet të plotë në këtë loje ?! Përgjegjësia është e tyre," shkruan Paloka
