Qytetarët shqiptarë do të paguajnë të paktën 130 milionë euro më shumë për interesat e borxhit që shteti ka marrë për rindërtimin. Ministria e Rindërtimit dhe ajo e Financave nuk morën kreditë e buta që i ofruan donatorët në Konferencën e Brukselit. Interesat e këtyre kredive nuk i kalonin 2% dhe kostoja në buxhet për to nuk do të ishte më shumë se 60 milionë euro.

Por me këto para, institucionet shqiptare do t’iu nënshtroheshin rregullave strikte të prokurimit publik dhe jo procedurave të kufizuara që zbatuan në kontratat me të cilat financuan rindërtimin.

SYRI TV ka denoncuar disa herë së fondet e rindërtimit kanë shkuar për klientët e ngushtë të qeverisë së Edi Ramës.

Këtë skandal e ngriti sot në Kuvend edhe kryetari demokrat, Sali Berisha.

“Do t’ia them të gjitha në sy, shesh me shesh e rrugë më rrugë. Shqipëria do ngrihet e tëra, sepse nuk mund të pranohet kjo. Vidhni dhe mashtroni. Vidhni me interesa të kredive që keni marrë”, tha Berisha.

“Mediat paraqitën dokumente se keni vjedhur vetëm me interesa të kredive, se nuk tenderoni ato që jepnin donatorët bujarë me interesa të ulëta, se ato nuk u jepen dot se jepen me rregulla strikte, ndaj merrni kredi tregtare duke u taksuar 130 mln euro më shumë shqiptarëve".

Sipas tij, Rama mori kreditë e shtrenjta pasi duhej t’ia jepte tenderat Gjicëve të tij.

Kujtojmë se kryebashkiaku i Kukësit, Safet Gjici është një nga përfituesit më të mëdhenj të tenderave për rindërtimin