‘Edi Rama shkoi në Bruksel si përfaqësues i Vuçiç dhe jo i shqiptarëve.’
Kështu deklaroi kryetari i PD-së, Sali Berisha në fjalën e tij me anëtarët e kryesisë së PD-së.
Berisha theksoi se gjuha që ka përdorur Edi Rama në Bruksel, është njësoj sikur ta kishte përdorur Putin, apo Llukashenko.
‘Samiti i Brukselit zbuloi para cdo shqiptarë se Rama shkoi në në Bruksel si përfaqësues i Vuçiçit, i Beogradit dhe jo i Tiranës dhe i shqiptarëve.
Përdori një gjuhë ordineri, gjuhë që mund të përdorte vetëm Lavrovi, Putini, apo Lukashenko ndaj udhëheqësve europiane, sepse të gjitha i ka porosi të Beogradit. Sulmoi Bullgarinë, një vend që ka deklaruar në mënyrë të përsëritur se ne votojmë për hapjen e negociatave, një vend miq.
Bullgaria ka qenë ndër avokatët kryesore në Gjykatën e Hagës kur është gjykuara çështja e Pavarësisë së Kosovës. I ka bërë asaj pavarësie një mbrojtje të shkëlqyer, por duhet jesh si Edi Rama që të sulmosh një vend që ka vetëm qëndrime dhe vendime miqësore ndaj shqiptarëve dhe e bën kryekëput sulmin për llogarinë e Beogradit.
S’e lidh asgjë sulmin e tij ndaj Bullgarisë për Shqipërinë dhe shqiptarët. As me Kosovën. Pra, po pleksen, po gërshetohen të gjithë faktorët që e bëjnë këtë qeveri kryekëput antinjerëzore, një qeveri që nuk ia ndien për qytetarët e vet, që më shumë kujdeset për interesat e Beogradit se të Shqipërisë dhe Kosovës’, nënvizoi kreu i PD-së, Sali Berisha gjatë fjalës së tij në kryesinë e PD-së