-
Me flamurin kombëtar në dorë, kryetari i Partisë Demokratike, Sali Berisha tha se demokratët betohen para flamurit kuqezi se votën kurrë nuk do ta falin.

Nga sheshi i protestës masive të opozitës para Kryeministrisë, Berisha tha se demokratët nuk do ta njohin pushtetin e vjedhur të Edi Ramës.

"Edi Rama, jemi sot këtu për t'u betuar para flamurit të kombit, se votën kurrë nuk ta falim, pushtetin mbi votën e vjedhur kurrë nuk ta njohim. Harroje. mos luaj me votën sepse jemi të vendosur të mos pranojmë kurrë. Jemi vendosur të bëjmë çdo sakrificë që burrat dhe gratë, djemtë e vajzat e Shqipërisë të votojnë me dinjitet dhe të vbotojnë të lirë. Edi Rama, ti këto kohë, këto vite, je treguar armik i fjalës së lirë. Je treguar armik i egër i fjalës së lirë. Ti ke përdorur metodat e frikës dhe terrorit për të zhytur shqiptarët në heshtje dhe mbyllur gojën e tyre. Ti ke përdorur tendera për të blerë mediat e vendit. Vërsulesh dhe shan me gjuhë ordineri gazetarët vetëm se ata bëjnë detyrën e tyre. Jam këtu për të garantuar shqiptarët se fjala e lirë do të jetë motoja jonmë, beteja jonë dhe ata që guxojnë të prekin fjalin do të mjerohen", u shpreh Berisha