Kryeministri Edi Rama dhe komisoneri për Zgjerimin në BE, Oliver Varhelyi kanë komentuar nga Vlora zhvillimet në Maqedoninë e Veriut në lidhje me votimin e propozimit francez, për integrimin në BE.

Rama ka thënë se nëse rezultati nuk do të jetë pozitiv në bisedimet e Maqedonisë së Veriut, do të kërkojnë ndarjen nga këta të fundit për integrimin në Bashkimin Europian.

Varhelyi: I kemi sytë e veshët drejt Shkupit. Angazhimi është i qartë, por është thjeshtë demokratike, është gjëja e duhur që të pyeten përfaqësuesit, jam shpresëplotë se do të kemi një përgjigje pozitive në fund të këtij dabati, por jam që ky debat të kryhet.

Rama: Mund të ketë mbaruar një seancë por në dijeninë time debati do të vazhdojë, unë dua të shpresoj që rezultati do të jetë pozitiv. Nëse rezultati nuk do të jetë pozitiv ne do të kërkojmë të nesërmen ndarjen e dosjes së Shqipëria, nga dosja bullgare-maqedonase, jemi të bindur që Shqipëria duhet t’i çelë negociata që nesër. Uroj që parlamenti t’i japë përgjigje pozitive