Prej disa ditësh një grup deputetësh nga Kuvendi i Shqipërisë ndodhen në Uashington, ku kanë zhvilluar takime me përfaqësues të ndryshëm të politikës atje. Atje janë edhe deputetët e PD Orjola Pampuri dhe Jorida Tabaku, ndërkohë që socialistët përfaqësohen po ashtu nga dy zonja, Anila Denaj dhe Etilda Gjonaj, si dhe ish ministry Blendi Klosi.

Ajo që bie në sy nga fotot që postojnë deputetët në rrjetet sociale, është kompleksi i Tabakut dhe Pampurit për të nxjerrë edhe kolegët e tyre socialistë. Së fundi ka qenë deputetja Tabaku ajo që ka postuar një takim me Gabriel Escobar, të cilin pretendon se e ka zhvilluar edhe në shoqërinë e Pampurit, kur në fakt në anën tjetër të tavolinës kanë qenë edhe socialistët.

Ndërkohë Pampuri në postimin e saj me foto të prerë, thotë se nga Escobar ka marrë mbështetje për një PD më të fortë, ndërkohë që duket e dyshimtë që përfaqësuesi i SHBA të ketë pasur një qëndrim kaq politik, në një takim me deputetë të Kuvendit shqiptar.

”Sot, bashkë me znj. Tabaku, kishim kënaqësinë e veçantë, të kishim një takim të shkëlqyer me Z.Gabriel Escobar, i cili shprehu mbështetjen e tij për Partinë Demokratike. Mirënjohëse për mbështetjen e aleatit tonë strategjik SHBA, dhe të vendosur për të vijuar më tej. 100 vite marrdhënie diplomatike, mbështetje dhe mirënjohje. Krah për Krah”, shkruan Pampuri në postimin e saj në rrjete sociale.

Nga ana tjetër fotot e takimit i kanë shpërndarë edhe socialistët, të cilët në ndryshim nga Pampuri e kanë dhenë foton e plotë të tavolinës. Ish-ministrja Gjonaj shkruan se Escobar ka shprehur mbështetjen e qeverisë për mbajtjen në një kohë sa më të shpejtë të konferencës ndërqeveritare