Ish-presidenti amerikan, Donald Trump, tha se ai dhe ekipi i tij po bashkëpunonin plotësisht me Departamentin e Drejtësisë në lidhje me hetimin që ka nisur ndaj tij.

Por ai nënvizoi se bastisja e FBI në shtëpinë e tij në Mar-a-Lago ishte krejt e papritur dhe pa asnjë paralajmërim.

Reagimi i tij erdhi pasi Prokurori i Përgjithshëm, Merrick Garland tha se ai e ka miratuar personalisht urdhrin e bastisjes.

Trump tha se urdhri për bastisjen erdhi nga e majta, ndërsa shtoi se agjentët kanë rrëmuar edhe në gjërat personale të Melanie Trump.

“Avokatët dhe përfaqësuesit e mi po bashkëpunonin plotësisht dhe kishin krijuar marrëdhënie shumë të mira. Qeveria mund të kishte çfarë të donte, nëse do ta kishim”.

“Ata na kërkuan që të vendosim një bravë shtesë në një zonë të caktuar. U krye. Gjithçka ishte mirë, më mirë se me shumicën e presidentëve të mëparshëm, kur më pas, nga askund dhe pa paralajmërim, Mar-a-Lago u bastis nga një numër shumë i madh agjentësh, madje edhe me thyese kasafortash”.

“Ata marshuan përpara. Çmenduri. Mësova se agjentët kontrolluan edhe dollapët e Zonjës së Parë dhe rrëmuan nëpër veshjet dhe gjërat e saj personale".

“Çuditërisht, zona u la në një rrëmujë. Uau”, shkruan ai