Revista ‘Spiegel’: Rama akuzohet se ka kontakte personale me mafian

Saturday, 17 September 2022 09:29
Revista gjermane, Spiegel, më e madhja në Europë, ka risjellë në versionin e saj në anglisht, një intervistë me kryeministrin shqiptar, Edi Rama, publikuar në gjermanisht para disa ditësh.

Intervista e revistës fokusohet tek situata në Ukrainë dhe ndikimi i luftës atje në rajonin tonë.

Por në hyrje të intervistës, gazetarja Susanne Koelbl shkruan se Rama akuzohet se ka lidhje personale me mafian.
 
 “Kryeministri i pret zbathur të ftuarit. Edi Rama është një burrë shtatlartë, me vetulla të trasha dhe sy të thellë. Ai ka veshur pantallona të shkurtra të zeza dhe një bluzë të bardhë, por pa këpucë.
Së bashku me gruan e tij, Rama është duke pushuar në oborrin e një shtëpie buzë detit. E ndërtuar fillimisht në vitet 1960 për diktatorin Enver Hoxha, vila ndodhet pranë fshatit idilik bregdetar të Dhërmiut, i rrethuar me pisha. Oficrët e gardës bëjnë roje jashtë derës. Njeriu më i fuqishëm në Shqipëri po shijon pak pushimet.

“Nuk po na shqetësoni,” u thotë Linda Rama gazetarëve të Spiegel. Ajo ka veshur një këmishë të bardhë pambuku dhe një kapele mbi flokët e saj të zinj kaçurrelë. Me punën e të shoqit, thotë ajo, nuk mund të kesh ndonjë pushim të vërtetë.

Shqiptarët e zgjodhën Edi Ramën kryeministër të tyre me një shumicë të madhe 11 vite më parë. Në atë kohë, artisti i famshëm ishte antiteza e korrupsionit dhe urisë për pushtet.

Si kryebashkiak i kryeqytetit të Tiranës, Rama i leu rrugët me ngjyra të ndezura dhe i shpalli luftë gjyqësorit të korruptuar. Sot kritikët e akuzojnë Ramën se mban kontakte personale me mafian, një akuzë që ai e mohon. Sido që të jetë, Shqipëria sot mbetet një nga vendet më të varfra në Europë.

Dhe korrupsioni nuk është aspak problemi i vetëm i Shqipërisë. Lufta në Ukrainë, vetëm 1 mijë kilometra larg, aktualisht po rihap plagët e vjetra në rajon. Edhe njëherë, fuqitë e mëdha po përplasen në Ballkanin e brishtë Perëndimor,” shkruan gazetarja.

Login to post comments

Lajmet e fundit

Vesh fanellën me mbishkrimin ‘Jashari’/ Granit Xhaka nderon familjen heroike të Kosovës

Sport

Vesh fanellën me mbishkrimin ‘Jashari’/ Granit Xhaka nderon familjen heroike të Kosovës

  Granit Xhaka ishte protagonist absolut në ndeshjen Serbi-Zvicër që përfundoi me shifrat 2:3 dhe çoi helvetët në fazën tjetër të Botërorit. Pasi u bë lider në fushën e lojës, shqiptari i...

Berisha: Kushtetuta na autorizon që të protestojmë në bulevard! Pikë!

Politikë

Berisha: Kushtetuta na autorizon që të protestojmë në bulevard! Pikë!

  “Ne do zbatojmë Kushtetutën. Ne zbatojmë me përpikmëri Kushtetutën” theksoi sot Sali Berisha, kryetari i PD-së, lidhur me protestën e opozitës më 6 dhjetor, gjatë një konference për shtyp. "Ne do...

‘Shpifje të ulëta’. Berisha: Do publikoj skandalin e ambasadorit britanik

Politikë

‘Shpifje të ulëta’. Berisha: Do publikoj skandalin e ambasadorit britanik

  Kryetari demokrat, Sali Berisha, reagoi sërish me ashpërsi ndaj ambasadorit britanik në Tiranë, Alastair King-Smith. Ai tha se ambasadori ka shpifur në mënyrë të ulët. “Është përdorur korrupsioni për të luftuar...