Kryetari demokrat, Sali Berisha, komentoi edhe vendimin për mbylljen e disa institucioneve arsimore në vend.
“E konsideroj një akt më të rëndë, mbylljen pa asnjë shpjegim publik, por vetëm nën diktatin e Erdoganit, të shkollës që mban një nga emrat më të nderuar, autorit shqiptar të himnit turk, Mehmet Akif.
I them Edi Ramës, ke mbyllur një kopsht ku kanë qenë 250 Zaho. Të skuqesh nga turpi që u mbyll vogëlushëve kopshtin. Një akt të tillë nuk mund ta ndërmerrte kush. Edi Rama, ka treguar se je i aftë për çdo lloj akti. Të mbyllësh një kopsht model, pse përkulesh para Erdoganit, duhet të mendoje 250 herë këtë vendim. Nuk ndërmerrej ky vendim.
E njëjta gjë për kolegjin Mehmet Akif. Një kolegj nga më të mirët. Për probleme ideologjike që ka Erdogani me Gylenin, ato janë probleme të Turqisë, jo të Shqipërisë.
Nga Shqipëria nuk do pranonim kurrë të projektoheshin akte kundër Turqisë, por kjo që po ndodh është e paprecedentë. Të zbresë një kryeministër dhe të mbyllë një kopsht, nuk ka akt më çnjerëzor,” tha Berisha.
"Shqipëria nuk mund të jetë vasal i askujt. Nëse Turqia ka fakte dhe prova t'i nxjerrë. Ka dyshime dhe për rastin e gazetarit, ne po e studiojmë. Është e vërtetë që kishte kërkesë Interpoli, por a u përdor procedua apo vetëm veproi telefoni, këtë duhet ta shikojmë.”, tha ai.
