Lideri i opozitës, Sali Berisha deklaroi gjatë emisionit ‘Çim Peka Live’ se gjykata po mban peng vulën e Partisë Demokratike me urdhër të Edi Ramës. Ai e cilësoi Enkelejd Alibeajn si një mjeran që po përdoret nga Edi Rama për të asgjësuar opozitën. Berisha u shpreh se opozita do triumfojë në zgjedhjet për kryetarë bashkish në Tiranë, Durrës dhe Elbasan, ndërsa fitoren në Shkodër e quajti të padiskutueshme. Lideri demokrat akuzoi Erion Veliajn se po bën gjithçka për të manipuluar zgjedhjet, ndërsa e paralajmëroi se do të dështojë
Në intervistën e parë televizive për vitin e 2023, kryetari i Partisë Demokratike Sali Berisha ishte i ftuar në emisionin “Çim Peka Live” në Syri Televizion. Ai deklaroi se gjykata po mban peng vulën e PD me urdhër të Edi Ramës.
Duke komentuar aktin e fundit të përjashtimit të 4 deputetëve, Berisha e cilësoi Enkelejd Alibeajn si një mjeran që po përdoret nga Edi Rama për të asgjësuar opozitën, ndërsa theksoi se betejën nuk e ka me të, por me Rilindjen.
Berisha u shpreh optimist për fitore në zgjedhjet lokale të 14 majit, ndërsa theksoi se triumfi më i madh do të arrihet në Durrës, Elbasan e Tiranë. Për Shkodrën, fitorja sipas liderit demokrat është e padiskutueshme.
Berisha akuzoi Veliajn se po bën gjithçka për të manipuluar zgjedhjet, ndërsa e paralajmëroi se do të dështojë në këtë betejë.
Berisha komentoi edhe nje audio-përgjim te fillim-viteve 90, pjese e te cilit ishin ai, kryeministri aktual Rama dhe lideri i Lëvizjes Studentore, Azem Hajdari.
Duke folur për situatën në Kosovë, Berisha theksoi se e vetmja zgjidhja është dialogu.
Berisha paralajmëroi protesta para zgjedhjeve lokale të 14 majit, ndërsa shtoi se aksioni opozitar do të jetë i pandalshëm.