Kryetari i Partisë së Lirisë, Ilir Meta thotë se nuk do ta bënte kurrë amnistinë fiskale nëse do të ishte në pushtet në situatën aktuale ku ndodhet Shqipëria.
Në Çim Peka Live, në Syri Tv, Meta tha se amnistia fiskale është një projekt i Rilindjes për të legalizuar paratë e krimit dhe korrupsionit.
Sipas tij, këto janë akte që dëmtojnë interesat e vendit, dëmton biznesin si dhe vështirëson procesin e integrimit europian të vendit.
“Absolutisht që nuk do e ndërmerrja asnjë iniciativë jashtë një vlerësimi transparent. Jo thjesht me partnerët ndërkombëtar, siç është BE. Jemi në një test të vazhdueshëm. Por edhe pa konsultime me biznesin vendas. Kjo është e qartë që bëhet vetëm për një arsye. Për të legalizuar paratë e krimit dhe korrupsionit. Unë nuk do bëja asnjë akt i cili dëmton interesin e vendit. Dëmton interesin e sipërmarrësve, krijon një problem në raport me procesin e integrimit europian”, theksoi Meta.
