Kryetari i Partisë Demokratike Sali Berisha ka kujtuar sot 555 vjetorin e vdekjes së Heroi tonë Kombëtar Gjergj Kastriot Skënderbeut.

‘Si sot 555 vjet më parë mbylli sytë përgjithmonë në Lezhë prijësi ynë i përjetshëm Gjergj Kastrioti-Skenderbeu. Me gjeninë e tij si strateg politik dhe ushtarak, guximin e tij epik me betejat e tij legjendare kundër Perandorisë Osmane, superfuqisë së kohës, Skënderbeu lartësoi në zenit emrin dhe veprën e tij, mbrojti lirinë e Kombit Shqiptar, por edhe civilizimin perëndimor’, shkruan Berisha në Facebook.

Postimi i plotë:

Sot 555 vjetori i përjetësisë së Skënderbeut.

Të dashur miq,

si sot 555 vjet më parë mbylli sytë përgjithmonë në Lezhë prijësi ynë i përjetshëm Gjergj Kastrioti-Skenderbeu.

Me gjeninë e tij si strateg politik dhe ushtarak, guximin e tij epik me betejat e tij legjendare kundër Perandorisë Osmane, superfuqisë së kohës, Skënderbeu lartësoi në zenit emrin dhe veprën e tij, mbrojti lirinë e Kombit Shqiptar, por edhe civilizimin perëndimor. Për të gjitha këto Gjergj Kastrioti u përjetësua në identitetin kombëtar të shqiptarëve dhe do mbetet përgjithmonë prijësi i përjetshëm i tyre!

Lavdi për jetë Gjergj Kastriotit-Skenderbeut! #sb