Një ditë më parë, Partia e Lirisë përmes deputetes Monika Kryemadhi publikoi një dokumentar tronditës, që tregon se si fusha e Sharrës është kthyer në një minierë floriri për Edi Ramën dhe Erion Veliajn.
Dokumentari u shpërnda sot online nga kryetari i PD, Sali Berisha, i cili doli enkas edhe në një konferencë për shtyp për këtë skandal.
“Ja pse Rama është kreu i organizatës kriminale të mafies së plehrave dhe fusha e Sharrës është miniera e floririt për Ramën dhe Velinë!” shkruan Berisha.
Në dokumentar tregohet se si Edi Rama dhe Erion Veliaj gënjyen nën betim në Komisionin Hetimor për inceneratorët, duke deklaruar se në Sharrë kryhet një proces model i përpunimit të mbetjeve.
Por PL ka filmuar me detaje rrugën që ndjek një qese fosforeshente me plehra drejt Sharrës. Dokumentari zbulon në mënyrë shokuese se plehrat në Sharrë thjesht groposen si 20 vite më parë.
E megjithatë, banorëve të Tiranës iu është premtuar një investim prej 128 milionë eurosh, ndërkohë që ata paguajnë 29 euro për çdo ton mbeturina. Bashkia e Tiranës ka paguar mbi 54 miliardë lekë për këtë skandal tronditës.
Ndiqeni më poshtë dokumentarin e plotë: