Kryetari i PL, Ilir Meta e nisi ditën me takime në zonën e Kurbinit.
“Kënaqësi ta nisja ditën duke takuar ekipin tonë drejtues të Kurbinit në Laç.
Fitorja e Kurbinit do të jetë ndër më dërrmueset për t'i dhënë fund monizmit në pushtetin vendor dhe për t'ua kthyer bashkitë qytetarëve duke iu shërbyer me transparencë dhe përulësi,” shkruan Meta.
Më pas ai postoi një video nga një takim në Milot.
“Një ndalesë në Milot të mjafton për të kuptuar se sa shumë është anashkaluar nga qeverisja e "Rilindjes". Ndaj të gjithë të bashkohemi për Ndryshim!” shkruan Meta.
