Në Top Story me Grida Dumën, Berisha tha se Rama nuk është thirrur për të dhënë dëshmi sepse prokurorët amerikanë kanë marrë komunikimet dhe dokumentet prej vitit 2017 e këtej. 

Pjesë nga intervista

Grida Duma: Si ndiheni që riktheheni në PD për të bërë një betejë nga e para kur ndërkombëtarët nuk janë karta e fortë e PD-së?
Sali Berisha: Ajo që mund t’ju garantoj është se gjithçka ka pikënisje, në këtë rast idealet e njeriut. Unë po ecja drejt mbylljes së plotë të kapitujve të mi në jetën politike, kisha vendos të dorëzoja mandatin po të fitonim por ajo që ndodhi riktheu Berishën në vitet 1988-89. Unë nuk kam qenë i persekutuar kam qenë i priviligjuar, kisha një laborator modern publikoja botime në revistat ndërkombëtare, njohuritë e mija ishin historike por kishte nj problem themelor, dinjiteti njerëzor, unë pavarësisht nga këto ndryshe flisja me miqtë e mi ndryshe në kolektiv e ndryshe në familje. Ky ishte një vendim i imi kurrë për pushtet por për të fituar dinjitetin tim. Pas 33 vitesh del një burrë i nderuar kryediplomat dhe pa asnjë  dokument më lëndon dinjitetin tim dhe aty kam shkruar letrën që duhet ta mbroja atë dinjitet.

Grida Duma: Besoni që e keni thirrje e talent politikën apo disiplinë?
Sali Berisha: ​Politika kërkon një gjë, të mbrosh pavarësisht nga çmimi një tufë parimesh. Ai që e vendos e bën, e vendos ai që i thotë karakterit karakter. Po shkele çdo parim humbet çdo besim. Unë nga data 19 maj deri më 9 qershor vazhdova betejën i vetëm, pa kërkuar ndihmë tek asnjë njeri.

Grida Duma: A nuk është Rama në kushtet tuaja?
Sali Berisha: Dallimi si nata me ditën, ka një dokument gjykata që autorizon hetimin në çdo gjë të Edi Ramës, ai është person nën hetim dhe të garantoj se e kam nga juristët më të shquar të atij vendi. Ai nuk është në ndjekje penale por në hetim është 100%. Atë nuk e thërrasin sepse i kanë marrë çdo komunikim e çdo dokument nga viti 2017 deri më sot. Që është nën hetim e ke të sigurt mos e diskuto që i kanë marrë çdo dokument, prandaj është i axhituar ai. Unë nuk them se mund të merret i pandehur se ka imunitet diplomatik.

Unë do e takoja me kënaqësi zyrtarin e FBI-së por jo me Agron Nezën, me ambasadorin e tij, unë kam takuar persona shumë të lartë të CIA-s dhe i kam prit me ambasadorin e SHBA-së dhe dy këshilltarë të mi. Asnjëherë nuk i kam pritur vetëm por të shoqëruar, Po të më vinte me dy individë të tjerë do të merrja me vete personin që kam për sigurinë kombëtare.