Ylli Manjani i është përgjigjur shqetësimit të Këshillit të Lartë Gjyqësor në lidhje me akuzat sipas këtyre të fundit që po i bëhen gjykatës së Apelit, pas vendimit skandaloz në lidhje me vulën e PD-së.
Manjani shkruan se, vendimi i Apelit për vulën, nuk rrëzoi vetëm besimin, por shembi krejt drejtësinë.
Reagimi i Ylli Manjanit:
Jo mor jo!
Po mirë, le të themi se s’qënka e kapur drejtësia, pse e dhunojnë ligjin, kushtetutën e demokracinë në vend ata për sport?!
Apo për qejf?!
Allah, allah...
Shikoni, në daç besojeni në daç jo, atë që ka bërë gjykata e apelit me rastin e vulës është rrëzim i gjithë drejtësisë jo thjesht i besimit tek ajo!
Është vendosje e saj nën hyqmin e pushtetit, kundër parimeve të shtetit.
Është vendosje e gjykatës kundër rendit demokratik në vend dhe qartësisht në dhunim masiv të të drejtës së gjysmës së votuesve për të votuar.
Kështu që KLGJ, le ta besojë vetë po të dojë këtë gjykatë e këtë drejtësi, se njeri tjetër s’ka shans.
Ka kohë që Barometri dhe çdo matje tjetër tregojnë qartë se mbi 70% e shqiptarëve nuk besojnë se ka gjykatë të pavarur.
Oj, të kërkojnë edhe hesap pse kritikohet gjykata, në vend të kërkojnë ndjesë dhe të korrektojnë sjelljen e gjyqtarëve në raport me ligjin!!
Kulmi!
