Sekretari në Zyrën Ndërlidhëse të Kosovës në Beograd, Fatmir Haxholli, ka publikuar një fotografi me tre policët që u mbajtën në paraburgim në Serbi që nga data 14 qershor.
Tre policët që u rrëmbyen në veri janë liruar sot.
Rifat Zeka, Beqir Sefi dhe Mustafë Shemi, u rrëmbyen më 14 qershor brenda territorit të Kosovës dhe deri më sot u mbajtën në paraburgim në Serbi.
Arrestimi i tyre nxiti reagime të shumta si në Kosovë, ashtu edhe te bashkësia ndërkombëtare, e cila kërkoi vazhdimisht lirimin e tyre.
