Kryetari i PD, Sali Berisha, i ka shprehur sot ngushëllimet familjes dhe të gjithë demokratëve të Durrësit për vdekjen e z. Edmir Kapidani, një bashkëpunëtor i hershëm i tij që në vitet e para të demokracisë.
Në një mesazh ngushëllimi në Fb, Berisha ka nxjerrë në pah kontributet e shquara të z. Kapidani për Partinë Demokratike ndër vite, në qeverisje dhe opozitë.
Duke shprehur mirënjohjen më të thellë për bashkëpunimin e ngushtë që kemi pasur, ndihmesën e tij të çmuar, i shpreh ngushëllimet e mia familjes së tij të nderuar, miqve të afërmve dhe të gjithë demokratëve të Durrësit për ndarjen nga jeta të Edmir Kapidanit që do ta kujtojmë me nderim të veçantë gjithmonë.
Unë lutem së bashku me ta, që shpirti i tij i mirë të gjejë paqen e merituar. Amin,” përfundon mesazhi.