Deputetët e Partisë Demokratike dhe aleatët e tyre u mblodhën në një takim me dyert të mbyllura në kryesinë e Kuvendit.
Ky ishte takimi i dytë pas takimit përbashkues mes deputetëve të PD-së.
Gazmnet Bardhi tha pas takimit se gjatë ditës së sotme u morën disa vendime të rëndëishme.
“Kemi marrë disa vendim. Së pari vendosëm të propozojmë një paketë ligjore për të nisur punën për rritjen e pensioneve, ndihmës ekonomike, minimumi jetik. Sa i takon llogaridhënies së qeverisë, do të ketë seanca dëgjimore në Komisione për çështje me interes për publikun”, u shpreh ai.
"Kemi unifikuar të gjitha qëndrimet për rëndin e ditës në seancën e radhës", tha Bardhi.
Ndërkohë i pyetur pwr veprimet e deputetit Basha, Bardhi tha se, "as Edi Rama, e askush tjetër s'e vendos dot kryetarin e grupit parlamentar të PD-së”.
