Lideri i opozitës, Sali Berisha, ka zbuluar sot në Kuvend, ndërkohë që në media transmetohej si lajm i fundit arrestimi i Amant Josifit, se operacioni policor për arrestimin e tij ishte kryer para një jave dhe lajmi mbahej fshehur nga kryeministri Edi Rama dhe bashkëpunëtori i tij, ministër i Brendshëm tashmë, Taulant Balla.
"Prej një jave - theksoi Berisha, - kupola e krimit të organizatës kriminale të qeverisë shqiptare, i fshehin publikut një operacion spektakolar të autoriteteve ligjvënëse spanjolle, të cilat idenifikuan dhe arrestuan në Dubai, mikun e ngushtë gjer në ortakëri të Olsi Ramës, Amant Josifi.
Nëse call-centerat e tjera sulmoheshin ditë e natë nga tatimorët, nga policitë e ndryshme, kishte një call-center e cila zmadhohej çdo javë. Punonjësve të call-centerave u thuhej të vinin të punonin te ne, se kemi mbrojtje politike, se mbrojtja jonë është Olsi Rama! - Edi Rama faktikisht!
Në këtë rast del që mbahet një javë fshehtas në Dubai nga Taulant Balla dhe Edi Rama" nënvizoi Berisha.
