“Me 2000 patronazhistë që kanë të regjistruar në qarkun e Kukësit, Belinda Balluku, Taulant Balla, kanë shpërndarë thasë me para një javë rresht."
Kryetari i PD, Sali Berisha, e shprehu qartë gjykimin e tij sot se me Edi Ramën kryeministër, zgjedhje nuk mund të ketë! “Krimi shndërrohet në votë, vota shndërrohet në krim”theksoi Berisha duke publikuar në një video, thelbin e një interviste që ka dha mbrëmjen e së martës në “A Krasta Shoë”.
Berisha: Kategorikisht, nuk mund të ketë. Nuk mund të ketë në mënyrë absolute. A kalojmë pak tek Shkodra një moment? Më 6 mars fituam vetëm Shkodrën!
Por a e di pse e fituam Shkodrën më 6 mars ne?! Se Bajrët ishin në burg. Kaq. Bajrët ishin në burg, kurse ky i liroi Bajrët: Behar Bajrin, Denis Bajrin me radhë, atë tjetrin, Safet Bajrin, që ishte në burg me Saimir Tahirin. Ai nxori të gjithë këta. I nxori dhe e vunë Shkodrën në terror, bashkë me Pëllumb Gjokën. Pëllumb Gjoka nuk ishte në burg, por ai ishte kudo, dihej që ishte njeriu më i afërt, miku më i ngushtë i Edi Ramës dhe ne kemi dokumente.
Kur të shohësh ti Enver Bajrin me 6 makina të blindura, kalon nga një qendër votimi te një qendër votimi për ta mbyllur. Bajrët lirohen nga burgu, Pëllumb Gjoka shpallet investitor strategjik. Pëllumb Gjoka fiton licencën, Pëllumb Gjoka emëron prokurorin - Krimi shndërrohet në votë. Vota shndërrohet në krim.
Me Edi Ramën, unë garantoj çdo shqiptar, që në mënyrë absolute zgjedhje s’do të ketë,” thuhet në përfundim të videos.
