Deputetja e Parlamentit të Britanisë së Madhe, Alicia Kearns, edhe një herë ka ngritur zërin për Kosovën.
Në një postim në platformën X ajo ka publikuar fotografi nga vizita në Kosovë duke theksuar se ende nuk ka veprime për rolin e Beogradit në sulmin në Banjskë.
Ajo ka theksuar se edhe një muaj pasi Milan Radoiçiç, pranoi se organizoi grupin për sulmin që planifikonin në veri të vendit, ai mbetet në liri.
“Është bërë një muaj që kur Radoiçiç pranoi fajësinë për sulmin paramilitar në Kosovë me armët e ofruara nga Beogradi. Megjithatë ai mbetet i lirë në Serbi. Pa asnjë përgjegjësi për rolin e Beogradit”, ka shkruar ajo.
Kearns ka takuar familjen e rreshterit që u vra më 24 shtator nga ky grup i armatosur.
“Unë i kam parë armët, dhe kam takuar familjen e Afrim Bunjakut – ata e meritojnë drejtësinë”.
