Kryetari i PD-së, Sali Berisha, ka reaguar pas vendimit të Grupit Parlamentar të PS-së të dërgojë në SPAK, deputetin Bledion Nallbati për dhunë fizike në Kuvend, sipas tyre, ndaj kolegut Sina, Reagimi erdhi pasi vetë kreu i Grupit të PS, Bledi Çuçi, njoftoi se "sot, në emër të Grupit Parlamentar të Partisë Socialiste firmosa kallëzimin penal për deputetin Bledion Nallbati për dhunën fizike të ushtruar në seancën e fundit ndaj deputetit Vullnet Sina."
Ndaj këtij qendrimi dhe goditjeje ndaj një tjetër deputeti demokrat, z. Sali Berisha reagoi gjatë një deklarate për mediat.
"Asgjë tjetër, - tha Berisha. - veçse ia dërgoi një organizate tjetër kriminale siç është SPAK, që funksionon i tëri nën këmbët e Edi Ramës me fabrikime, falsifikime kriminale.
Me lidhje me bandat dhe krimin. Në këtë aspekt, nuk ka asnjë lloj habie se përse këta i drejtohen tani SKAP-it të partisë.
I bindur të jesh ti se demokratët janë shumë të vendosur kësaj here. Mund t’i them Edi Ramës se ky është vetëm fillimi. Ta dijë Edi Rama. Deputetët do jenë aty ku i thërret detyra. Të gjithë! Deputetët do jenë aty ku e kanë vendin. Beteja është betejë," nënvizoi kreu i PD-së.
SHKRESA E BLEDI ÇUÇIT, KREUT TE GRUPIT PARLAMENTAR TE PS
