Bushati është shprehur se një vjedhje e tillë aq e madhe nuk ka ndodhur kurrë dhe se një kryeministër normal nuk mund të shprehet se nuk jam llogaritar që të di se ku janë zhdukur miliona euro. 

"Nëse drejtësia por dhe shoqëria pranon një vjedhje të tillë kolosale me logjikën që firmosësi kryesor nuk ka përgjegjësi atëherë i hap rrugën cilido kryeministër që të na vjedhë dhe qindarkën e fundit në xhep sepse ashtu ja sollën specialistët e ministrive.

Ne në Shqipëri e dimë se sado e modernizuar të jetë administrata jonë, urdhri vjen nga lart-poshtë pasi është vertikale dhe nuk mund që ju leu nga zemra disa specialistëve të krijojnë një incenerator në Tiranë dhe kryeministri ta firmosë me sy mbyllur.

Është skandaloze pasi gazetari e pyet për 60 milionë euro që janë dhënë për inceneratorin e Tiranës 40 prej tyre janë avulluar dhe personat që i kanë marrë janë në kërkim dhe ai shprehet se pse më pysni mua për këto gjera sepse nuk jam llogaritar.

Edhe grabitësi më i madh nuk e ka pacipësinë të thotë një argument të tillë dhe jo një lider ose kryeministër i një vendi."