Mbështetësit e Fredi Belerit u mblodhën sot përpara SPAK në pritje të vendimit për kryebashkiakun e zgjedhur të Himarës. SPAK ka kërkuar 2.6 vite burg për Belerin, i cili e quan këtë një proces të stisur politik.
Zëdhënësi i fushatës së SYRI TV, Skerdjan Dhuli tha për SYRI TV se e gjithë dosja është e sajuar.
“Dosja është e sajuar kryekëput. Është e sajuar sepse të tilla janë interesat e Edi Ramës. Nëse hapen fletë e lakrorit në Himarë, bie qeveria,”paralajmëroi ai.
Ai tha se gjyqtares së çështjes, Irena Gjoka i ka dalë dosja e zezë në Greqi.
“Besoj se Irena Gjoka do i shmanget procesit, nëse ka pak cipë,” tha Dhuli.
Sipas tij, pas vendimit të sotëm, ata do e ndjekin procesin në të gjitha shkallët, madje edhe në gjykatat evropiane.
